Trashëgimia dhe kultura janë ndër elementet që e karakterizojnë lashtësinë e popullit tonë. Populli ynë njihet për kulturën e veçantë, pjesë e së cilës janë edhe artizanalet dhe punimet e dorës që në kohërat e hershme nënat shqiptare kanë siguruar jetesën në bazë të përfitimeve përmes qëndisjes dhe punimeve të tyre. Veshjet kombëtare, plisi i bardhë dhe shumë punime dore të tjera ndër to edhe qilimat tradicionale, janë vetëm disa nga “shenjat” e kombit tonë, që dita ditës po vijnë e po zbehen dalë nga dalë.